一項調查推算全港不上學不上班、拒絕與人及社會接觸的隱蔽青少年，佔同輩人口2%，高出05年三倍多。
基督教服務處透過問卷訪問400多間中學的校長、教師及社工，回應顯示60多名中學生過去一年過著隱閉生活。調查估計全港應存在一萬八千名，年齡10至24歲的隱閉青少年，他們大部分離校或沒工作。
該服務處過去兩年接獲有關求助來電達1500宗，其中192宗中，五成求助者希望重新與社會聯繫。
服務處總協調主任應鳳秀指出，隱閉青少年較缺乏自信心，建議社會摒棄彈多讚少的不建設性文化，嘗試從他們的興趣入手培養其潛能，重建他們的自我價值。不過，對一些自閉家中約十年的隱蔽人士，發現這批人較頑固．比協助隱閉青少年更棘手。
＊ ＊ ＊
嘩嘩嘩?
我覺得如果我無上莊，將來我會係果 1.8 萬中其中一個。
highlight 左果句，一直係我既心聲。
講真果句，社會做咩，做成點都會比人鬧，因為人類唔係完美，總會有不足。無錯好多人成日話唔鬧唔會進步，但係鬧左係咪真係有進步先？
港大每個 soc 比起其他大學，有樣野好怪。人地大學 d soc 的老鬼成日會浮現同聯絡，但係港大學生呢？起碼七成落左莊會覺得個 soc 唔關自己事。
無錯港大係做野好過其他大學，緊係啦，幾十個鐘 campaign 老鬼咩都教晒你，緊係識啦。你識唔係因為你自己去學，係因為老鬼插你同話比你知之嘛。個個 soc 年年份 year plan 好似去影印咁，嘗試去改就比老鬼插到傻。
自己初初上 JU 果時都覺得其他 U d 人好唔掂，其實當時已經墮進陷阱。佢地根本就好掂，但係佢地要時間去自己令自己變到掂，而我地港大學生只不過係老鬼捉住我地隻手等我地以為自己好掂。上左一年莊，我明白的亦越來越多。
鬧人？鬧來做咩？
呢個時候回頭一望，我覺得：
選擇 quit 莊的人，比只是為了責任而完全沒有衝勁的人，對一個 soc 的成長更好。
對於港大上莊文化的方向，我也好像找到自己的答案，亦希望有人繼承。去找上莊的那團火，那團火才是令 soc 、令自己進步的能量。
落莊了，希望有人看完之後會繼承我。
