八點就返到火炭，真係早到喊…不過還是刻意去了看剛打通的火炭站～
以前一直都在想為何南北大堂不打通，結果現在終於打通了！！（狂賀
從火炭站經過公司旁那條長長的橋，走到體院。
對上一次來這裡已經是五千萬年前，我記得好像是甚麼開放日然後我還是會玩吹番梘泡的年紀（請不要吐槽我現在還會玩番梘泡
看到 outward bound 的航海 logo，我立即想起 N 年前那超強颱風陪伴下的五日四夜。我仍然記得 blog 上面寫到自己成功登上蚺蛇尖時想賣 30 蚊一支益力多。
http://dikichan87.blogspot.hk/2010/10/outward-bound-18-22-oct.html
在混亂下開始了 Game A～所以沒有相 ww
Game A 是三組人做不同的東西拿拼圖，然後交到中間的兩個隊員，再交換對應的拼圖砌出圖案。
我和 ck 就負責石春路二人三足那 part，初時以為可以穿襪玩，但被大會說要赤腳再穿上一個膠袋般的腳套…
然後這個腳套在石春路上面一秒就爛 XDDDDD
一整件事就超髒（汗）還好我們是第一組玩 Game A
最後神速地完成拼圖交換，但根本完全拼不到一幅完整的東西，就這樣六分鐘過去了 www
在還未消化到 corporate challenge 是怎麼一回事就飛奔到 Game B。
Game B 是幾個隊員在那個時光隧道躺著運水，然後另一些隊員用背承拓著那膠喉，把前面運來的水和鴨到進遠方的水桶內。
我就知道，這是我平時出地盤時經常叫工人把膠喉放好的報應 XD (汗)
好．重．啊！！！六分鐘完全想死，去到最尾一分鐘已經感受唔到自己做緊咩，總之就係不停咁拓條膠喉倒走啲水。
最後我們的成績也不差。(?)
Game C 是用鐵杆運做 gym 的波波，再用那個波波打保齡。其實成個 game 設計都幾好笑，我同 gary 負責中間拎住杆運波波踩過車軚。
而枝鐵杆，係會斷的（抓狂
雖然最尾都掌握到點玩
Game D 是運圈圈遊戲。我和 gary 用「printer 拎紙專用夾夾手」將圈圈運走，中間的隊員再解繩咁，最後的一個隊員就坐住 gym 波波去丟圈圈，同 game C 一樣成件事一 involve 個 gym 波波就好搞笑。
聽講好難丟的圈圈，丟啱色有 bonus，唔啱色都有分但咁多隊都丟唔中。
就係呢個 game，我隻右手而家握拳都仲覺得酸 www
玩完四個 game 已經攰到 hihi，大會有好善心咁放 break。
其實如果無 break 真係升得天咁滯，physically 又唔係好攰但每個 game 都用盡六分鐘去 chur 某啲肌肉…
Game E 其實我 pre-game meeting 果陣已經 declare 左 pass
個 game 首先由六個隊員拎住個路牌，無錯，我叫佢做路牌，運網球。路牌上面有坑紋去阻止網球前進。
呢一部份唔係重點。
之後運球六個隊員，再加兩個隊員，就手牽手咁 linear 一個一個訓落地下，再一個一個起返身，途中手唔可以放 www 諗到個畫面都真係好辛苦，多謝各位～
路牌運網球一直都玩得唔順利，到 carmen 同 ivy 傳果陣突然用兩個路牌夾住個網球，之後就無再碌落街。
呢個時候 judge 話：係呀，無話唔可以夾住。(肯定語氣)
鳴哇哇哇哇哇哇哇哇哇哇！！發現得太遲結果已經沒太多時間。
Game F 係我地全日玩得最好的一個 game，睇返分都超前晒其他組，然後我地仲用左 trump card 將分收倍大。
首先四個隊員將一件 additional 衫除比另一個隊員，傳三次之後就由兩個隊員用匙運個波，再運比最尾三個隊員玩板塊。我響玩板塊果邊，負責用木塞住個波條 path 啲坑，基本上成個 game 都玩得勁順，我地淨係失手跌左一個波，而見到附近跌到成地都係。
哈哈，然後發現當唔 involve 體力或者肌肉爆炸力，我地成 team 原來可以玩得好好 (喂)。呢個 game 真係玩 teamwork 同反應多。
Game G 呢個 game，要一路播住 Let's Get Wet 一路玩（無誤
見到個 setup 都覺得濕～
三個隊員用手槍射去三個用海棉接水的隊員，海棉響水桶榨出水後，另外隊員行平行木運走個水桶。
我、gary 同 stanley 就做拎住海棉果個 XD
基本上係全身濕晒！！！
而槍手們亦都唔理海棉存在與否，繼續玩水槍 XD
呢系列的相真係太經典
Game H 由維他奶獨家贊助 (好似係)，隊員夾住維他奶箱運去第二個 zone，然後 through 住個網用手指推去第三個 zone，再用啲箱放落地下「過河」，最後疊高啲箱拎 bonus
因為之前七個 game 都太變態，相反呢個體力消耗度同殘忍度都唔高
我地亦成功疊高箱拎 bonus
搵唔到個 game 有啱用的相
疊起個箱就係高過人少少，其實都唔算高… (諗起蠟筆小新鬥疊箱果一集 www
最後，我地拎到 bowl 組別的第八名，或多或少同 trump card 有關，因為另一張 trump card 放左 Game A，但 Game A 比想像中困難。
唔計攰到 hihi 同攰到 hihihi 之外，其實真係幾好玩，諗返 N 年前大學 o camp 個年代～
最後係睇頒獎同睇表演，留意係睇頒獎因為我地個名次無獎 T_T
雖然我唔係好知呢隊係咩，但水手服真係好靚，水手服真係好靚，水手服真係好靚 (很重要所以說三次)
anyway，下年去玩的請加油！
